炭火地雞

營業中

休息中

炭火地雞曾經係我最愛嘅串燒店，鍾意佢食物嘅炭香，高質得唻又唔好好似最高價嘅日式串燒店咁拘緊。但係尋晚再返去，炭火地雞已經唔同哂。最重要嘅係，炭火地雞已經唔再係用炭火，改咗用電爐。餐牌價格全部向下調，有啲低至$10一串，但係同時所有用料質素亦都下降，以往嘅名物「熟成雞腿肉」已經無咗。加入咗好多港式串燒，餐廳方向變咗大眾化。老實講，已經變到同其他港式串燒店無分別。詢問店員，話係最近一個月嘅改變。 相信都係之前嘅方向生意難做，唯有改變求出路。我暫時都唔會再返去，希望佢哋可以捱過呢一關，遲啲變返以前嘅炭火地雞。