酩町 (已結業)

朋友一早BOOK左呢間日式居酒屋, 佢話試過一次覺得好正, 就帶左我黎食😆餐廳其中一樣特色係佢既炭火燒烤, 仲有張長BAR枱可以望住師傅整, 真係一大享受😍除此以外仲可以叫到其他各式嘅日式料理，連刺身壽司都有👍🏻我哋就叫咗呢啲嘢食：首先叫咗啲小食：燒鱈魚乾，炸海苔魷魚，酩町玉子燒：佢個炸魷魚，真係好正，外皮夠薄炸得又脆，魷魚仲好爽口😍當然唔少得串燒啦：手羽先，雞腎，雞軟骨，黑豚五花肉，厚切牛舌芯，用炭火燒果然係唔同啲，師傅控制個火候恰到好處，雞翼五花肉牛舌都好JUICY☺️跟住就係燒海鮮：燒越南海蝦，炭燒墨魚，花魚一夜干, 佢個海蝦蝦肉超級爽脆彈牙，燒魚嘅魚肉真係十級嫩滑😋真係令我相當滿意嘅一餐❤️