炭火地雞 (已搬遷) 新店位置

坊間有唔少串燒店，而呢間就比較特別，以本地三黃雞同嘉美雞供應唔同部位嘅雞肉同內臟串燒，更以日本備長炭嘅高溫炭燒方式烹調，希望可以鎖住食材嘅水分～ 餐廳地理位置十分方便，由於店內位置唔多，想食嘅就記得要預先預約啦！叫得燒鳥專門店當然唔少得嗌雞肉串燒，今次要咗雞軟骨、雞胸軟骨、雞柳、雞翼、椎茸免治雞肉棒、提燈同熟成雞腿肉～ 店員會將串燒放喺個方碟上，而且有柚子胡椒、一味唐辛子粉、日本黃芥末、檸檬同青檸等調味料讓客人沾住食！雞肉肥美，有油香，肉質嫩滑，雞味突出，而且有種獨特嘅炭烤香味，款款都各有千秋，難以分得出勝負🥰燒魚/海鮮方面就有味淋魚乾、海老卷同炭燒白鱔、前菜同揚物包括雞肝醬多士、甘口嘉美雞全翼、白蝦仔同炸日本山芋～ 個人最喜歡雞全翼同白蝦仔，前者外脆內嫩而且食落啖啖肉，後者一口一粒脆脆，過吓口癮都唔錯🤤 另外亦有燒豚同野菜，豚肉麻糬卷、豚肉芫荽卷、豚肉牛油果卷、粟米、銀杏、田樂燒茄子、金時蕃薯等，最推係豚肉鵪鶉蛋卷同明太子燒准山，兩款都比較罕見，而且食物配搭出奇地match，充滿日式風味呀🙈唔夠飽嘅話仲有飯麵類，濃香雞湯素麵好有驚喜，雞湯底濃郁，蛋夠滑身，麵條軟硬度適中，性價比甚高，