百利來美食 (已結業)

前兩日同朋友去元朗，緊係順便食我既最愛炸墨丸之前係尖沙咀度食，真係次次經過都要去！反而搬左元朗第一次食！佢係係熟食中心入面，但好彩又唔算太難搵！都係入返正題先，今次除左叫炸墨丸，仲試左好幾款小食，有叫富貴三寶，四季豆同雞翼尖！老闆娘推介個泰式檸茶！$25好大杯！好好飲呀！炸墨丸就唔洗講啦！必食的！配埋佢個招牌辣椒油！真係無得輸！富貴三寶有炸雲呑，矮瓜，青椒！佢係應該拍左粉，所以份外香口，正！四季豆佢係有蒜係上面，不過不失，大碟！仲有雞翼尖，本身調味都幾好，又係即叫即整，唔會唔好食佢跟埋檸檬仔比你，好細心！其實仲想試佢個花膠翅，但我地仲會食晚飯，所以留下次啦！