幸茶舍 (已結業)

第二次幫襯啦！上次食炸物拼盤，有鹽酥雞、炸燒賣、炸餃子，好好食。今次試手抓餅、撈麵（配炸燒賣同鹽酥雞）、薯條。鹽酥雞呢，咬落去聽到塊脆雞皮咯一聲之後就係唔乾既雞肉。滿意呀！薯條配芝麻醬，個醬好味、薯條脆，超大份。。。。抵食！如果醬另上更佳啦，有啲薯條被浸林左手抓餅就不過不失。撈麵加錢配蜂蜜紅茶，好飲！呢個時勢，高調表態的黃店，請各位同路人大力支持！佢地鋪貼啲畫好靚。我所知同場仲有清心齋、莉記花店黃；對面v walk就有美樂士多同阿布。