Porker

營業中

休息中

環境裝修唔錯，好多隻豬公仔好QQ，仲可以happy hour叫啤酒飲。不過服務一般般，感覺有少少冇禮貌。*Porker定食 (熟成豚西冷、豬柳) $240吉列熟成豚肉眼定食（限定）$220*每一片豬扒炸到金黃酥脆，咔嚓咔嚓，唔容易變腍，又唔會甩皮甩骨。肉質嫩滑有肉汁，啱啱好熟，呈淡淡粉紅色。鍾意重口味仲可以點豬扒汁，香味up up up!!!*西冷係porker定食後面大塊，豬柳係前面細塊。西冷係豬扒加一條肥肉😂油脂係三種豚肉中最少，肉質比較厚實。豬柳油脂多少少，肉質腍但不失咬口，係我最鍾意嘅肉質口感，好可惜份量唔夠多。*肉眼有兩塊，其中一塊多肥肉好多好多。肉眼最嫩最多油，一咬就會化開，相對地，豚肉味冇西冷、豬柳咁香濃。*定食包白飯、麵豉湯、椰菜絲、薯仔沙律。白飯好鬆軟、有黏度，仲要熱辣辣。麵豉湯有豬肉、蘿蔔片，唔會太鹹，好飲喎！椰菜絲任添，侍應有主動添，可以加三種沙律汁食，係去膩嘅好選擇。