影片
更多
2021-01-18
574 瀏覽
今日在西營盤一帶行蒞來去，大概三點零肚餓，路過見噉嘅時間都有人食，就入去食啦。原來佢招牌排骨即係炸豬排，即係上海菜叫法。人一餓就眼闊，叫咗一碗有排骨，有雲吞，有牛腩嘅幼麵，以為樣得少少噉啦，結果飽到暈。講返食物，湯我覺得無咩特別，幼麵比我食過嘅上海舖為粗而口感一般，雲吞好大隻但味道普通，牛腩幾夠腍但唔係跟腩汁清清地唔啱我口味。致於主角塊豬扒(a.k.a. 排骨)係真係幾好食喎！塊排骨新鮮熱辣上台，另外碟上，唔怕被啲湯浸到腍坺坺，炸面有啲微厚而唔硬，帶少少調味，肉質軟硬適中，我諗我下次幾開呢頭會再食淨排骨加淨雲吞。可惜，畢竟係間老舖，地方環境非常之一般。
原來佢招牌排骨即係炸豬排，即係上海菜叫法。
人一餓就眼闊，叫咗一碗有排骨，有雲吞，有牛腩嘅幼麵，以為樣得少少噉啦，結果飽到暈。
講返食物，湯我覺得無咩特別，幼麵比我食過嘅上海舖為粗而口感一般，雲吞好大隻但味道普通，牛腩幾夠腍但唔係跟腩汁清清地唔啱我口味。
致於主角塊豬扒(a.k.a. 排骨)係真係幾好食喎！
塊排骨新鮮熱辣上台，另外碟上，唔怕被啲湯浸到腍坺坺，炸面有啲微厚而唔硬，帶少少調味，肉質軟硬適中，我諗我下次幾開呢頭會再食淨排骨加淨雲吞。
排骨雲吞牛腩麵
$50
16 瀏覽
0 讚好
0 留言
可惜，畢竟係間老舖，地方環境非常之一般。
張貼
