影片
更多
2021-06-21
115 瀏覽
聽朋友講最近新開左間炸豬扒幾高質，今日放假就黎左試下呢間「炊豕店」。門口大大個「炊」字，好易搵！出門放個menu都幾吸引，無介紹錯。入面裝修都有心機，大大隻豬仔幾得意。落單自己寫紙仔，方便又清晰。今次我揀左咖喱炸豬扒加厚午餐肉，一上菜勁開心！因為勁大碗呀，岩晒我呢啲肥仔！豬扒多到下面啲飯都見唔到啦！夾起一塊，豬扒好厚身，食落外皮炸得卜卜脆，咬落有聲添！入面豬肉都keep到肉汁，唔會好硬，好正，食完一舊忍唔住又一舊午餐肉同樣厚身，唔同百佳買個啲餐肉咸到死，呢塊又ok夠味又唔咸。咖喱汁好重椰香味，淋落豬扒同飯到食勁正。另上咖喱汁唔會搞到啲炸豬扒淋晒，好細心！食完飲返杯蜂蜜生薑茶，好足料，飲到底真係見到有幾舊薑係到，唔係得啲薑水埋單唔洗一舊水，食到咁高質，開心仔
門口大大個「炊」字，好易搵！
出門放個menu都幾吸引，無介紹錯。
入面裝修都有心機，大大隻豬仔幾得意。
落單自己寫紙仔，方便又清晰。
今次我揀左咖喱炸豬扒加厚午餐肉，一上菜勁開心！因為勁大碗呀，岩晒我呢啲肥仔！豬扒多到下面啲飯都見唔到啦！
夾起一塊，豬扒好厚身，食落外皮炸得卜卜脆，咬落有聲添！入面豬肉都keep到肉汁，唔會好硬，好正，食完一舊忍唔住又一舊
午餐肉同樣厚身，唔同百佳買個啲餐肉咸到死，呢塊又ok夠味又唔咸。
咖喱汁好重椰香味，淋落豬扒同飯到食勁正。另上咖喱汁唔會搞到啲炸豬扒淋晒，好細心！
食完飲返杯蜂蜜生薑茶，好足料，飲到底真係見到有幾舊薑係到，唔係得啲薑水
埋單唔洗一舊水，食到咁高質，開心仔
張貼
