Pizza Maru (朗豪坊)

營業中

休息中

感恩有愛我嘅人和我同行， 半年過去，反思自己繼續出發，好開心依然有好朋友，吹水食飯！旺角分店成日排隊，雖然呢餐飯有啲匆忙，傾唔到太耐，都見個面都好開心！韓式炸雞係必食的，蜂蜜蒜泥炸雞，重口味醬汁，配埋炸到外脆內嫩嘅雞，雞好食，醬汁唔好咁鹹就更加好！蒜香蕃茄軟殼蟹意大利粉不錯的選擇，蕃茄汁有好重嘅香草味，足夠掛上每一條意大利粉！軟殼蟹好好食！最後唔少得嘅當然就係要有酒落肚啦！朋友叫咗啤酒，我….就冇酒精！食得幾滿足，不過坐出面就噪咗少少，要傾偈就去其他分店！