點心籠 (已結業)

上環真係好少價錢合理既點心舖，點心籠都算係合理而且唔貴，都幾近港鐵站，就腳既！而且…炸雪糕！好好味！！！！🤤🤤原諒我無影相，嗌左一碟菜，小籠包，燒賣，鳳爪排骨飯，叉燒腸，蘿蔔糕同炸雪糕，原本覺得無乜特別，不過值得讚既係每一樣拎出黎都熱，唔似有好多求其！而排骨飯都幾香，叉燒腸都夠薄夠滑。但重點係叫先起既炸雪糕！！！好貼心咁會等你食完熱既，ready好清枱，換埋餐具先上😆已經覺得不錯，拎上枱更加覺得正🤤少少油，但熱，鬆脆，岩岩炸起，入面個香芋雪糕(另外有得揀綠茶或者芝麻)都夠香味，同出面一熱一凍，一脆一霖，食完我都溶左🤣🤣🤣唔係誇張，真係一定要試！