玉桃軒酒家 (鱷魚恤中心)

營業中

休息中

上茶樓飲茶食點心是中國人嘅熱門歡聚地方, 更係中國獨特嘅飲食文化。酒家位於觀塘鱷魚恤中心, 點心即叫即蒸, 款式眾多。裝修美輪美奐, 進餐環境優雅, 枱與枱空間感足夠。四寶雞扎大大件用料份量十足, 香滑腐皮包著厚滑魚肚, 火腿和幼滑雞件, 吃起來好有滿足感。上湯鮮竹卷湯底清甜, 鮮竹卷皮香餡料滑溜充實。蟹子燒賣皇燒賣皇餡料豐富, 蝦肉爽脆, 配以蟹子更加可口充實。北菇棉花雞北菇好大隻, 加上厚厚魚肚和香滑雞件, 口感滑溜清香。山竹牛肉球大大粒肉質幼滑, 配以喼汁味道更加鮮味。時菜蒸鯪魚球好有質感, 爽滑有魚味, 配搭胡椒粉最啱。還有香煎蘿蔔糕、七彩炒米粉和潮州蒸粉果, 一邊飲茶一邊吃點心, 休閒寫意, 享受嘆茶樂趣。