水晶殿

營業中

休息中

又是每月例會，今次又到城景酒店2樓水晶廳，首先開會，完畢後晚飯，其實我不是次次都會留低食飯，因為這裡食物真的不好食，仲要$400一位，機會我是會俾的，但我最近一年食過3-4次，都是食物麻麻，學鄭秀文啲歌詞，為何又是這樣錯？開會完畢，開始晚飯，菜單每次都差不多，好的是服務員會將所以菜分好，放到各位面前，所以未能影到原碟菜式容貌。鮮蟲草花鼠耳涼拌鮮蝦球，是凍食的，本身鮮蟲草花同鼠耳(木耳)都係無乜味，要靠涼拌汁一齊食才有啲酸味，蝦球夠大隻，肉算彈牙。胡椒爆炒西班長黑豚肉薄切，合格以上之其中一尾，炒得夠香，少少辣，黑豚肉剛熟，幾好咬口。沙竹合掌瓜螺頭湯，煲得過火，成碗湯係苦的。玉環瑤柱脯，節瓜太腍，無味，瑤柱少少鮮味。豉汁蒸沙巴老虎，蒸得過熟，少少魚味。泰式去骨海南鷄，賣相不錯，味道算合格，反而三色醬比鷄還好些。香芋义燒焗飯，寫文呢刻先見到香芋二字，完全食唔到有芋頭味，飯又濕又爛，义燒好少少。雪菜火鴨絲炇米，本身雪菜同火鴨絲都好重鹹味，正常配炆米係一流，但成碗嘢係無味，全靠海南鷄碟三色醬才有味。抹茶冰皮紅豆卷，全場第二樣最好食，冰皮仍夠凍，煙煙靭靭，紅豆不會過甜，不錯。鮮果碟，全晩最好食係西