一樂燒鵝

營業中

休息中

睇食評好多都係寫老板娘發皮四多過寫食物，但凡事都要親身體驗吓方為真。lunch尾聲兩點嚟到，喺門口等咗一兩分鐘就有位。椅同椅之間距離淺窄，如果坐最入個客要走坐路口嗰個要起身讓路先夠行。姐姐好有禮貌，笑容滿面，百忙之中也能和熟客談笑風生。紋身哥哥英文「luck luck」聲，同樣有禮。店員間氣氛歡愉，老闆娘也正正常常，沒有傳說中的經常爆seed。燒鵝飯，$50，分量都幾足，兩份鵝，但如果可以配條菜賣相應該可以更吸引。酸梅鵝醬要同伙記要求先會俾。因為一般鵝飯同鵝脾飯價錢都差幾遠($88)，所以都擔心會俾啲好差嘅部位，但最終都唔差，我呢碟肉都算厚。朋友叫燒鵝瀨就皮多過肉。我第一口食咗一片連肥膏嘅淨皮，脆皮，肥，有啲騷，但我鐘意。鵝醃料入味到入哂骨，但又唔會死咸，食完唔會口渴。自己建議配飯好過配瀨，因為瀨個湯令鵝皮冧咗，享受唔到個脆皮。