PdP Pies & Tarts (已結業)

讀書時學英文，記住咩時候用singular 咩時候用plural好重要，原來係真架！試諗吓如果你送禮俾人，送Pie & Tart定Pies & Tarts，可能會出現差天共地嘅效果架！今日我哋嘅外賣目的地係Pies & Tarts PdP！留意係有S嘅。舖面唔大（但其實有樓上雅座可以坐低慢慢嘆嘅）各式fruit tart/pie真係琳琅滿目，係嗰種色彩繽紛到令你想一次過試哂咁多款嘅cake shop陳設。除咗一件件買，你仲可以成大個咁買！早兩日訂就得架喇！今日分別買咗季節限定嘅Kumamoto Yuubeni Strawberries, Mango同Mont-blanc Tart，每款一件。士多啤梨又大又靚，底下嘅cream，custard同spongecake一層層咁完美分佈，食落亦完全唔會覺得太甜，好味又唔滯。至於芒果唔知係咪唔啱季節嘅關係，相比之下就比較淡，不過批心都係又香又滑嘅。栗子就有少少分別，批面仲有栗子蓉。呢個食落反而有啲似食緊栗子蛋糕。但好在唔太甜有甘栗香。雖然三個批口味各有不同，抵讚嘅係批皮都全部做到香得嚟脆度啱啱好。值得一提嘅係佢所有外賣，就算買一兩件，都會隨盒附送