東歐餐廳 (已搬遷) 新店位置

每當乘搭中環半山扶手電梯, 總會被東歐餐廳的異國風情裝修吸引著. 得知此餐廳供應烏克蘭俄羅斯菜式, 喺我心目中, 俄羅斯菜式接觸得最多都係羅宋湯, 其他如魚子醬同伏特加好少機會試. 烏克蘭俄羅斯天氣寒冷, 心想菜式口味應該比較厚重, 上OR得知此餐廳菜式改良為比較適合港人口味, 可以一試.餐廳燈光佈置偏向紅橙色，感覺溫暖，壁畫構圖顯示東歐人民生活面，好有異國風情。餐牌用上皮革製造，令人愛不釋手。由於比較喜歡清淡菜式，選菜都被免野味如鹿肉菜式。先上立陶宛車厘子果酒，此酒酒精量只有4.5%，甜甜的容易入口。烏克蘭三文魚湯有好多三文魚切粒，湯味濃郁，與平日羅宋湯相比多一分魚鮮味。俄國香煎三文魚，嫩滑三文魚肉淋上香濃軟滑芝士汁，再點綴上如紅寶石一般的三文魚魚子，略咸三文魚魚子同芝士汁提升整道菜鮮味，與一般西式煮法大不同。酥皮焗牛仔肉，酥皮唔係一層層，反而似歐式硬包，點汁食好味又飽肚。牛仔肉嫩滑如雞肉般，味道似咸牛肉。配菜有少量薯仔磨菇。有機會嘗試唔同地方菜式覺實係一種新體驗。