影片
更多
2024-01-21
51 瀏覽
小魚兒餐廳喺銅鑼灣，專門食烤魚雞煲火鍋。佢嘅位置好方便就喺銅鑼灣B出口，適合收工同一大班朋友一齊食。一入到去餐廳就俾佢嘅裝修吸引住，紅色走馬燈好型格。位置闊落乾淨開敞，真係好舒服。首先，我哋叫咗海鱸魚（$308）。因為大家都唔食辣，所以我哋叫咗黃金蒜香豆花味，呢個口味好啱唔食辣嘅朋友。入面有夠多嘅蒜蓉同蒜頭，湯底好濃郁，配料都好多，有木耳、豆花、寬粉、青瓜等等。而主角海鱸魚佢嘅肉質結實，食到啖啖肉好滿足，魚骨都唔多，啱晒我哋咁懶惰。另外，我哋叫咗白牛柏葉（$88）。份量好多，而且係必點，因為佢好掛汁，食落去味道好濃郁因為已經吸晒魚嘅鮮味。仲叫咗紅薯粉（$28），佢吸咗烤魚嘅湯，味道更上一層樓。最後，叫咗田園蔬菜拼盤（$88），有金針菇、娃娃菜同油麥菜，全部都好新鮮。大家記得要喺社交平台book位，因為會有更加多折扣優惠，抵食好多！！
首先，我哋叫咗海鱸魚（$308）。因為大家都唔食辣，所以我哋叫咗黃金蒜香豆花味，呢個口味好啱唔食辣嘅朋友。入面有夠多嘅蒜蓉同蒜頭，湯底好濃郁，配料都好多，有木耳、豆花、寬粉、青瓜等等。而主角海鱸魚佢嘅肉質結實，食到啖啖肉好滿足，魚骨都唔多，啱晒我哋咁懶惰。
另外，我哋叫咗白牛柏葉（$88）。份量好多，而且係必點，因為佢好掛汁，食落去味道好濃郁因為已經吸晒魚嘅鮮味。仲叫咗紅薯粉（$28），佢吸咗烤魚嘅湯，味道更上一層樓。
最後，叫咗田園蔬菜拼盤（$88），有金針菇、娃娃菜同油麥菜，全部都好新鮮。
大家記得要喺社交平台book位，因為會有更加多折扣優惠，抵食好多！！
張貼
