龍華(瑞興)大酒樓 (已結業)

星期日, 駕車去, 已經泊滿車, 次次都係咁, 唔記得影相, 當滿盤狼藉的時候, 又肉酸, 映唔落手, 論食品, 粟米斑塊, 唔夠汁, 但炸得幾多, 如果多些汁, 則更好. 而焗魚腸, 夠香, 可惜無蒸魚腸, 如果魚腸靚, 蒸會多汁更好味(純熟毎人喜好). 荷芹抄魚鬆, 鹹了一些, 中芹菜可謂少之又少, 不過, 大多數酒樓都係少中芹, 唔知點解. 抄時菜, 不過不失. 而食飯後的蕃薯糖水, 反而覺得幾好, 很多甜品店的蕃薯糖水, 無薑味, 這一間反而有, 但看蕃薯情況, 應該是接近煲底, 所以, 我們再遲一些叫, 可能只得紅豆糖水. 服務普普通通, 唔算差, 如果泊車, 要小心, 有一個位, 近土地神, 因為是斜向, 所以車尾的倒車感應器未必探測得到, 好在我見到該土地神的位置, 小心一點, 如果聽倒車感應器, 應該還有距離三呎, 但我泊車後, 只有距離一呎, 當時有一位好心清潔阿姐, 說準備開聲叫我停車, 好在我剛停了, 故沒開聲, 還說今天早上, 已經有一部平治中了招, 車尾接了該土地神, 該土地神用紅毛泥堆砌, 如駕車去, 小心小心