銘陽車仔麵 (已搬遷) 新店位置

價錢貴，但好食的話其實都唔介意，但成碗麵由湯底，醬汁，麵條到餸菜都無一可取。香港人食車仔麵既經驗都一定非常之豐富，呢一碗應該可叫人"難忘"!今晚點咗刀削麵，麻辣汁，豬紅，牛筋，咖哩魚蛋，咖哩魷魚。由麵底開始，麵條唔彈牙，無口感。湯底+醬汁：完全無任何特別，淡而無味。豬紅：未咬已散，全無味道可言。牛筋：好腍就散既樣子，好多毛痴住。咖哩魷魚：由外表知道係魷魚，但淡而無味。基本的魚蛋，都係一咬就散開哂，完全係白灼魚蛋的味道。由落單到有麵食已經超過10分鐘，都唔緊要。但係碗麵來到既時候，麵既溫度都比較差（似平時食麵去到一半左右既溫度）。我最後都係食到一半就放棄，以上既麵底+餸菜配搭+凍齋啡一杯，盛惠$63.