御記糖水專門店

營業中

休息中

係附近食完飯未夠喉想搵甜野食，見有間中式糖水舖，有位又有得加下小丸子芋圓咁，價錢都係普普通通嘅價啦。裝修都企理又幾光猛咁就諗住試吓。兩條友諗來諗去都係諗住食紫米露，諗住呢樣野應該唔會衰得去邊，友人就揀芒果紫米露+小丸子，我就揀凍嘅椰汁紫米露。凍嘅椰汁紫米露味道上都算可以啦，但就好稀好水嘅一碗野咁，都有椰香味嘅，但紫米就粒粒分明，可能有d人會鍾意呢種感覺啦，係我唔識欣賞到友人果碗芒果紫米露+小丸子就都唔洗介紹，紫米底都係一樣，但小丸子好明顯係即叫即整，因為d小丸子係仲熱ga，有一兩粒仲煮到一pat野咁都唔知係咪應該讚佢新鮮製作好，但真係未試過一碗凍嘅糖水又加d熱辣辣嘅野落去囉。