漁釧 (已結業)

之前食過另一間分店覺得唔錯，見青衣城都有就試試！原來餐廳入面都幾細，用咗大概20分鐘排隊，但最奇怪嘅係明明座位唔多，每道上菜時間都等勁耐！兒童餐～有壽司拼盤加個熱湯烏冬！壽司款式好啱小朋友食，除咗飯團之外，小朋友差不多全部清晒。香芒蝦卷～整體一般，芒果唔係好甜，蝦嘅炸漿太厚，壽司飯亦都好實。燒玉子～味道唔錯，算係幾嫩滑！炸雞～口感一般，炸粉太厚。串燒～幾乎全部都燒得過老，肉類好乾，而且唔夠味，無一款係正常，好失望！鰻魚炒飯～味道唔係用一般嘅鰻魚醬，好怪，第一次食鰻魚飯咁難食！