豚丼のぶたはげ (康怡廣場北座)

營業中

休息中

未夠夜晚7點入座，全場起碼5張空檯都要人搭檯，仲要係平排痴埋坐隔籬啊種，檯與檯之間一條罅隙都無，個安排好唔合理。講埋食物，諗住快快脆脆食完就走，點知食咗一啖已經唔想再食，炙燒三文魚無油香，食得出唔新鮮，帶子某幾粒幾腥下，成個飯都唔新鮮，得腥味無鮮味，食到反胃，無食晒就埋單。成個餐最好味應該係個湯，淡口但至少唔難食。仲有一點，全部QR code落單，仍然要收加一，成個體驗由食物品質到服務都唔值呢個價，絕對無下次。