濃姐茶餐廳

營業中

休息中

呢間新蒲崗小店，大約6點左右，已經好多人黎食晚餐。佢全日都有麵餐可以食，價錢都幾相宜，大部分餐都係 $30 左右。今日6點前到，可以用下午茶餐優惠叫個麵餐，仲要有辛辣麵可以選擇，只係加 $2，真係少有！辛辣麵真係煮得好「淋」，唔似一般茶餐廳放落水浸兩浸麵都未煮熟就收工。但整個環境睇落就麻麻地，食個麵大約二十分鐘，有個呀姐不斷處理冷氣機滴水問題，仲要唔係間中幾滴，係好似落雨咁⋯⋯然後到埋單時更有趣，收銀用 honest system 問你食左乜野，然後就叫你比幾多錢。不過大家小店街坊，講個信字，大家都無走數！