椰粉湯紅 (已結業)

最近幾餐都食得比較豐盛🙈今日想搵啲健康啲既野食，所以就揀左哩一間食物比較健康既餐廳。餐廳座位尚算寬闊，天花板有啲波波燈同埋小草做裝飾。🎈椰粉滷肉豬排配白米飯🐷🍚 $63豬扒煎得酥香，鬆化易咬，滷肉味濃，而豬肉粒鹵得夠入味，送飯一流。🎈食療拿杯湯（+$15）食療拿杯湯意思係用紙杯盛載熱湯，方便顧客飲用。今日呢個湯係荷葉冬瓜三豆湯（紅豆、綠豆、扁豆），個湯味道好濃，一啲都唔油，而且無落味精，非常健康。🎈椰香海南雞配椰香飯🐔🥥$68海南雞包括雞髀、雞翼及雞胸，雞肉夠嫩滑，而且已經去骨，好方便食。椰香飯有淡淡椰子香味，米飯比較濕潤，而且明顯係少油烹製。🎈 皇牌菜芯苗（+$12）菜心苗份量好足，而且好新鮮，只用少許豉油調味，能夠食到菜既甜味。整體黎講，哩間餐廳既食物真係幾健康，如果平時係屋企唔想煮飯，買返去食都係一個唔錯既選擇。