新桂香燒臘

營業中

休息中

經網上一位老實嘅食評家慕名而來，結果係喜出望外。門口企滿源源不絕嘅客人，街坊都知道堂食位置不多所以大部分都外賣斬料，雖然開埋街櫈都只有8個位，但12:30嚟到已經有得坐低。嚟到街坊生意舖頭打算就咁叫睇下會俾啲咩質素，點知舊舊叉燒都燶邊脆脆，亦半肥瘦，非常滿意。燒肉皮脆索索聲，肥瘦比例正常，經驗街坊老店呢樣算基本亦做得好，仲有例湯送。麻雀雖小，更睇到師傅鐵漢柔情，門口燒味師傅每有時間都會仔細問咁多叔叔嬸嬸要咩位，仲教埋返到去點樣整熱先好食，非常體貼。