影片
更多
2023-11-30
12 瀏覽
好耐冇同先生拍拖，決定趁住週末食一餐久違嘅精緻日式料理，上網做完功課之後揀咗呢間位於九龍城嘅廚師發辦，由移居香港多年嘅日本師傅經營，期望食到真正地道嘅日式料理。晚市廚師發辦有「北」同「斗」可以選擇，我哋揀咗內容較為豐富嘅「斗」，算係中等價位。頭盤係令人眼前一亮嘅鱈魚白子，擺盤精緻不在話下，我哋一向對白子嘅印象平平，入口嘅一刻真係有驚艶嘅感覺！白子味道極度鮮甜，口感綿密柔滑，入口即溶，配上底部嘅酸汁啫喱，中和咗白子豐厚嘅質感，成個組合好清新！第二道係蜆湯，用茶壺裝住保持溫度，打開蓋係滿滿嘅菇菌同新鮮大蜆，入口味道清甜，蜆肉亦唔會過老。北海道帶子刺身特別肥厚，口感細膩，味道鮮甜回甘。師傅話秋鯖魚係由日本空運嘅當季食材，果然有驚喜，肉質豐滿肥美，口感軟嫩，一啲都唔腥。目扙鯛油脂豐富，輕輕火炙過更能夠帶出魚油嘅香氣，入口即化，非常出色！接住落嚟係油脂同樣豐富嘅大拖羅，同樣係輕輕火炙，配上紫菜令口感同味道更有層次。北海道釧路產嘅生蠔又大又肥美，近乎有我手掌咁大隻，入口係出乎意料嘅清新，係我喜歡嘅淡口味生蠔。來自京都萬願寺嘅唐辛子裹上薄薄嘅粉漿再炸，看似平平無奇，實質藏住大學問。薄如蟬翼嘅粉漿香脆
好耐冇同先生拍拖，決定趁住週末食一餐久違嘅精緻日式料理，上網做完功課之後揀咗呢間位於九龍城嘅廚師發辦，由移居香港多年嘅日本師傅經營，期望食到真正地道嘅日式料理。
晚市廚師發辦有「北」同「斗」可以選擇，我哋揀咗內容較為豐富嘅「斗」，算係中等價位。
頭盤係令人眼前一亮嘅鱈魚白子，擺盤精緻不在話下，我哋一向對白子嘅印象平平，入口嘅一刻真係有驚艶嘅感覺！白子味道極度鮮甜，口感綿密柔滑，入口即溶，配上底部嘅酸汁啫喱，中和咗白子豐厚嘅質感，成個組合好清新！
第二道係蜆湯，用茶壺裝住保持溫度，打開蓋係滿滿嘅菇菌同新鮮大蜆，入口味道清甜，蜆肉亦唔會過老。
北海道帶子刺身特別肥厚，口感細膩，味道鮮甜回甘。
師傅話秋鯖魚係由日本空運嘅當季食材，果然有驚喜，肉質豐滿肥美，口感軟嫩，一啲都唔腥。
目扙鯛油脂豐富，輕輕火炙過更能夠帶出魚油嘅香氣，入口即化，非常出色！
接住落嚟係油脂同樣豐富嘅大拖羅，同樣係輕輕火炙，配上紫菜令口感同味道更有層次。
北海道釧路產嘅生蠔又大又肥美，近乎有我手掌咁大隻，入口係出乎意料嘅清新，係我喜歡嘅淡口味生蠔。
來自京都萬願寺嘅唐辛子裹上薄薄嘅粉漿再炸，看似平平無奇，實質藏住大學問。薄如蟬翼嘅粉漿香脆可口，日本空運到港嘅新鮮唐辛子鮮嫩冇渣，兩者配合得天衣無縫，令人讚嘆！
沙椎魚炸得恰到好處，感覺有啲似港式椒鹽九肚魚，但更肥美軟嫩，而且魚刺細小得幾乎無感。
爽口彈牙嘅鮑魚配上鹹香嘅黑魚子，係另一種奢侈嘅享受。
魷魚筒釀入紫菜蟹肉再炸，雙重鮮味配上多重口感，令人滿足。
正當我哋以為食得七七八八，師傅靜靜地喺碟上放上滿滿嘅海膽，完全係驚喜一浪接一浪！新鮮即炸嘅紫菜天婦羅上面鋪上密密麻麻嘅新鮮海膽，絕對係大滿足！
和牛油脂分布均勻，口感近乎入口即化，簡單嘅調味已經帶出濃厚嘅牛味同油香。
明太子茶漬飯用上日本米，粒粒飽滿分明，清甜嘅昆布湯底加上惹味嘅明太子，明明已經好飽嘅我哋依然忍唔住食哂成個飯。
最後師傅為捧住肚皮嘅我哋送上水果蕃茄同粟子作結，清新解滯。今晚成餐飯我同先生都係有讚冇彈，食到捧住肚皮走，完全值回票價。不得不提師傅嘅手藝真係冇得頂，一道又一道驚喜嘅配搭，一啲都冇辜負到新鮮空運嘅日本食材，特別係無懈可擊嘅串揚，絕對係令人回味嘅一個晚上！
張貼
