影片
更多
2015-05-16
493 瀏覽
為左身體健康着想 ,飲食既習慣都改變了不少 ,少油少鹽 , 少肉多菜多水多生果 ,但間唔中都會出街食飯 ,所以都會小心選擇 .今次來到主打無味精料理既 “ No. 1 Kitchen “ ,位於元朗鳳攸南街3號好順景大廈2座地下17號舖由元朗西鐵站行過去 , 大約 10 分鐘 , 都好方便 ,店鋪提供約 20 個座位 , 唔算太大 , 簡約設計 .多款晚餐選擇 , 而且也可以升級為套餐 , 有湯和飲品 ,正在右諗左諗之制 , 服務員就為我地介紹一下有咩推介 .羅宋湯 (右) , 龍蝦海鮮忌廉濃湯 (左)羅宋湯 ~ 香濃蔬菜味 , 材料好足 , 加上蔬菜好新鮮 ,飲落好入味 , 絕對同平時果 d 罐頭湯冇得比 !龍蝦海鮮忌廉濃湯 ~ 味道香濃 , 湯底仲好杰身 ,原來會用埋龍蝦殼來煲 , 唔怪得口感好重 , 啖啖龍蝦味 ,可惜既係海鮮少左 d 加多 2 – 3 件就正啦 !龍鱈魚柳伴奇異果意大利飯賣相就好似單調左 d , 但切開後 , 會見到有 4 層 ,奇異果 , 龍鱈魚柳 , 雜菜 , 意大利飯 , 配埋熱情果醬 ,奇異果酸酸地幾開胃 , 龍鱈魚柳厚身 , 味道岩岩好 ,雜菜同飯可以
飲食既習慣都改變了不少 ,
少油少鹽 , 少肉多菜多水多生果 ,
但間唔中都會出街食飯 ,
所以都會小心選擇 .
今次來到主打無味精料理既 “ No. 1 Kitchen “ ,
位於元朗鳳攸南街3號好順景大廈2座地下17號舖
由元朗西鐵站行過去 , 大約 10 分鐘 , 都好方便 ,店鋪提供約 20 個座位 , 唔算太大 , 簡約設計 .
多款晚餐選擇 , 而且也可以升級為套餐 , 有湯和飲品 ,正在右諗左諗之制 , 服務員就為我地介紹一下有咩推介 .
羅宋湯 (右) , 龍蝦海鮮忌廉濃湯 (左)羅宋湯 ~ 香濃蔬菜味 , 材料好足 , 加上蔬菜好新鮮 ,
飲落好入味 , 絕對同平時果 d 罐頭湯冇得比 !
龍蝦海鮮忌廉濃湯 ~ 味道香濃 , 湯底仲好杰身 ,
原來會用埋龍蝦殼來煲 , 唔怪得口感好重 , 啖啖龍蝦味 ,
可惜既係海鮮少左 d 加多 2 – 3 件就正啦 !
龍鱈魚柳伴奇異果意大利飯賣相就好似單調左 d , 但切開後 , 會見到有 4 層 ,
奇異果 , 龍鱈魚柳 , 雜菜 , 意大利飯 , 配埋熱情果醬 ,
奇異果酸酸地幾開胃 , 龍鱈魚柳厚身 , 味道岩岩好 ,
雜菜同飯可以中和一下 , 意大利飯配合了芝士煎到燶燶地 ,
食落熱熱地好香口 , 再配埋熱情果醬 , 甜甜地 ,
油膩感一d 都冇 , 如果可以係奇異果面再淋 d 酸醋 ,
相信效果會更加好 .
自家制蒜香汁燒西班牙黑毛豬架伴蘋果醬賣相好正丫 , 豬架燒到岩岩好 , 表皮脆脆地 ,
內裡岩岩好熟 , 肉質好 juicy 同幼滑 ,
食左 2 啖就覺得有 d 油膩感 ,
即時點左蘋果醬 , 嘩 , 即時冇晒油膩 ,
再點埋蒜香汁 , 口感即時變左 BBQ 味 ,
又試埋個熱情果醬 , 甜甜地 , 3 種不同味道 ,
各有特色 , 仲有升級左蕃茄栗米沙沙 ,
食肉之餘仲有蔬菜 , 夠晒健康 .
精品咖啡睇 menu 時見 , 由咖啡大師挑選 , 即磨即沖 ,
絕對唔係茶餐廳貨仔 , 所以梗係要試返杯啦 ,
未入口己經嗅到陣陣咖啡香味 , 入口唔苦 ,
甘甘地 , 飲後口腔仲有陣陣咖啡味道 ,
還配上 2 塊曲奇 , 唔駛咁悶得個飲字 .
玫瑰花檸檬紅茶芬芳樸耳鼻既玫瑰香味 , 濃郁既紅茶 , 加入了蜜糖 ,
花茶易入口 , 茶味唔澀好重味 , 配上甜甜地既蜜糖 ,
味道岩岩好 , 飲完都心曠神怡 .
張貼
