一鍋瘋 (已結業)

今天朋友約我吃粥底火鍋，一鍋瘋店鋪少少，但裏面乾淨整齊而且仲有兩層。一入到去職員首先問我地食過未，然後就介紹餐廳的特色。海鮮火鍋每人$188。火鍋的湯底是一人一鍋的而且標明無味精，無色素，非常健康。我們分別叫了一個粟米湯底和甘筍湯底。湯底未上前店員先為我們送上沙律。沙律很大份！沙律菜非常新鮮。湯底顔色全部都是天然色素！令大家食得放心。過左一陣店員送上海鮮。見到個海鮮拼盤我地兩個都忍唔住哇左聲！！！因爲真係好大！分量又多。完全估唔到呢個價錢有咁多種類的海鮮。海鮮的擺盤好整齊，而且全部都好新鮮。有蝦，貴妃蚌，大蜆，鮑魚，蟹及蠔等等。基本的時令海鮮這裡都有。鮑魚：非常新鮮餐廳已經幫我們蛻殼！方便客人食用，十分貼心。貴妃蚌：超級大！重點是所有的貝類都洗得很乾淨，無沙。 貴妃蚌肉厚彈牙海鮮味十足。食完所有海鮮之後可以加配料打邊爐，這裡超過40款配料！每款的配料都只係$8一碟！！十分抵食。我地叫做芝士丸，魚皮，云吞，娃娃菜等配料。食完之後店員就會為我們加上南瓜粒、芋頭粒及米糊，將湯底變成粥。粥都吸收曬海鮮的精華好正。呢一餐食得好飽，好滿足~下次如果心思思想食海鮮一定會來再光顧。