三和火鍋雞煲

營業中

休息中

之前一直有朋友講過呢間既椰子雞煲好好食，所以就相約幾個朋友去試下先！我地叫左全隻雞，上菜既時候嘩左一聲好大隻！首先食左隻雞先，我地跟足侍應哥哥講既放方法煮，首先煮到佢滾，之後轉細火煮佢兩分鐘然後熄火焗佢8分鐘！等到我地口水都流埋終於等完一食啲雞好滑好嫰完全唔鞋！加埋個湯一齊食，要讚下個湯底先佢有好多料！有紅棗，雪耳，椰子，蜆仔！好足料，飲個湯好甜，我地都飲左幾碗！有兩個火鍋料真係好有驚喜雲吞，水餃 - 好食，唔似出面個啲打邊爐店買現成個啲，感覺係自己包！脆肉鯇 - 好爽呀！就算我地滾耐左佢都仲係好脆！可以encore 呢個火鍋料！值得一提係我地4個人食完都完全唔口渴，感覺佢無咩味精😊. 。