壹壹漁一 (已結業)

見呢間野甘多好評又近近地，加上又話有半價優惠咪訂個檯試下，上到去見到甘爆心諗係咪好抵食所以甘多人，被安排近門口位置，多人出入又無咩冷氣，喂呀，打邊爐無冷氣真係唔地囉。叫左個泰式冬陰功湯底，開頭幾好，食到一半就越黎越鹹，算，打邊爐都預左會係甘。肉就叫左頂級肩胛肥牛，又係開頭正正常常，再叫等左二十分鐘都未黎，追單話厨房出唔切，得90分鐘食，你D肉就唔上，係甘食丸丸腸腸菜菜等，好揾笨，最後等左四十分鐘黎得兩碟甘既野，仲有四碟繼續失蹤。你厨房做唔切就咪鬼搞放題啦，好嬲呀！