大壹燒鵝 (MOSTown Street新港城中心大街(3期))

營業中

休息中

初初見到佢哋開張真係好開心，因為大家都知道馬鞍山出咗名係美食沙漠，諗住可以多個選擇。講返頭幾次嘅光顧，感受係唔錯嘅，叉燒就算冇叫肥叉都唔會話好瘦好柴，滿心歡喜以後多個選擇，直至到後期次次光顧都唔愉快（因為冇咩選擇所以仍然光顧多幾次）食埋今晚我決定以後唔會再回頭啦！🙄不愉快事件一 （服務求其）叫咗個外賣雜扒飯配黑椒汁，一打開檢查俾咗咖喱汁，我同佢哋講我係叫黑椒汁嘅，阿姐就話不如直接比多一碗黑椒汁你，但係嗰啲咖喱汁已經係淋晒係啲飯同扒度⋯我接受唔到咖喱汁同黑椒汁一齊食囉😅 咁求其都得嘅咩？不愉快事件二 (食物質素下降）今晚係我最後一次光顧佢哋，叫咗外賣炒餸, 如下:燒鵝👎🏻首先佢叫大壹燒鵝, 咁你對佢燒鵝一定會有期望，味道還可以，但係份量比較少主要都係骨頭。 大壹炒飯👎🏻用得自己個名做個餸名，通常都係對個菜好有信心，但係真係離晒譜，首先個飯係無味嘅，基本炒均勻都冇，仲見到白色嘅飯咕嚕肉👎🏻一早睇食評見到好多人都有點呢個菜，睇相好似好正咁，唔知係咪我今晚唔好彩，啲肉超細粒，主要係食佢外皮啲粉🙄非常失望炒菜心👎🏻食得出菜心係預先灼熟，再落鑊炒，非常油膩，似食緊好油膩嘅烚菜心總括，由初開張食物質