影片
更多
2022-04-27
2982 瀏覽
4月21日開返晚市，老婆想食乳豬，咁就openrice搵下邊度好食啦！搵到e間就即刻係試下啦！泊車之後就直接搭𨋢上去，去到門口重見到有師傅係門口個玻璃位燒緊乳豬仔，心諗今次都無去錯地方啦！入到去揀茶，我地就選擇左烏龍茶，跟住就望下個餐牌啦，餐牌以中餐為主，有乳豬，海鮮，花膠同埋其他中式小炒等，咁我地就選擇左以下嘅菜式。即燒無花果天下第一豬，夠膽講自己係天下第一豬，就當然唔惹少啦！叫左一個例牌，有6件，2位夠食啦！食落去個皮就真係好脆，完全係新鮮燒出黎嘅感覺，豬肉好入味，唔咸，你跟本唔洗點醬汁就已經好夠味，師傅刀功非常好，完全無骨，啖啖肉，我地都覺得完全係對得住個名。跟住就係蜜絲咕嚕肉，師傅加入左無花果，咕嚕肉啖啖肉無骨，而且d粉上得剛剛好，唔會有個好厚粉嘅感覺，食落去味道咁酸甜，送飯一流，唯一差少少嘅就係d洋蔥放耐左，有少少變左味，整體黎講都好出色。另外一個主角出場啦，月羊肚菌白湯燴澳洲龍蝦，羊肚菌近年大熱，羊肚菌有機鍺含量較高，具有強健身體、預防感冒、增強人體免疫力的功效。甚得家庭愛戴，上湯加上羊肚菌味道特別，加上啖啖肉嘅新鮮龍蝦，食落非常有驚喜，比較起普通酒樓更加好味，而且都係果句
入到去揀茶，我地就選擇左烏龍茶，跟住就望下個餐牌啦，餐牌以中餐為主，有乳豬，海鮮，花膠同埋其他中式小炒等，咁我地就選擇左以下嘅菜式。
即燒無花果天下第一豬，夠膽講自己係天下第一豬，就當然唔惹少啦！叫左一個例牌，有6件，2位夠食啦！食落去個皮就真係好脆，完全係新鮮燒出黎嘅感覺，豬肉好入味，唔咸，你跟本唔洗點醬汁就已經好夠味，師傅刀功非常好，完全無骨，啖啖肉，我地都覺得完全係對得住個名。
跟住就係蜜絲咕嚕肉，師傅加入左無花果，咕嚕肉啖啖肉無骨，而且d粉上得剛剛好，唔會有個好厚粉嘅感覺，食落去味道咁酸甜，送飯一流，唯一差少少嘅就係d洋蔥放耐左，有少少變左味，整體黎講都好出色。
另外一個主角出場啦，月羊肚菌白湯燴澳洲龍蝦，羊肚菌近年大熱，羊肚菌有機鍺含量較高，具有強健身體、預防感冒、增強人體免疫力的功效。甚得家庭愛戴，上湯加上羊肚菌味道特別，加上啖啖肉嘅新鮮龍蝦，食落非常有驚喜，比較起普通酒樓更加好味，而且都係果句，師傅刀功一流，龍蝦肉都係啖啖肉，一隻龍蝦都可以起到好多舊淨肉，絕對係一流。
最後就係濃湯花膠腐竹浸時蔬，今次餐廳就選擇左菜心，上湯加上花膠粒同腐竹，可以清一清之前乳豬同埋龍蝦嘅油膩，唔錯，腐竹同菜嘅份量都好多，最後都食到好飽。
總結黎講，乳豬非常好食，特別推介，會再黎，食其他野。
張貼
