同撈同煲

營業中

休息中

我屋企附近開左間打邊爐成半年,成日經過都無乜留意,前晚family day個個都唔想去咁遠食,諗住求其係樓下食,咁就入左去。一入去就巳經聞到好香,環境唔錯,乾淨企理幾舒服。湯底有好多款,有D幾特別,咩蟹鍋呀田雞呀,好想試,可惜有老有嫩,都係唔敢博,叫左個豬骨湯底,料好足,湯好濃,但油唔多,無乜位放配料,唯有食左D豬骨先,嘩!正到暈呀!!!我地九個人,個個都牛魔,手切肥牛有兩等級,亦有雪花肥牛同牛柳粒,我地全部叫晒試,中size都巳經幾大蝶,最貴果隻當然最好食,唔洗10分鐘比我地掃晒,其實中級都OK,但比較之下當然比下去,而雪花肥牛就好似小肥羊食果D咁,牛柳粒就有D UN,後來先知原來要恰得耐先越林,晒左! 牛方面我比九分!佢既海鮮,的確令我有D意外,估唔到係好似西貢果D咁,又大又新鮮,叫左大大隻蜆,勁勁鮮甜,仲有個桶蠔,要食五六啖先食得完...鱔片切得好薄,烚幾秒即食,爽甜!至於普通野, 我就推介貢丸,形容唔到佢果種特別,佢D餃都唔錯,最好係佢細細舊,唔會食兩舊就飽最好笑係我地叫左碟醉雞,有兩粒超大雞子,我大佬睇到眼都突埋,我地兩粒讓晒比佢,佢話一食就食得出係鮮雞,唔係雪雞, 我就覺得