一浪

營業中

休息中

同飯腳都係麻糬控故一拍即合。芋見肉鬆吐司（加麻糬）：足料。爆料。啲芋泥饀爆出嚟。只係by nature芋泥係好結實的東西，加上佢係厚多士，一口氣塞好多碳水化合物，感覺上會過滯。花芝蛋吐司（加麻糬）：同樣係足料。爆料。啲蛋爆出嚟。但畢竟蛋同芋泥天生就唔同，質地無咁滯無咁漲，幾滿足。花芝蛋即係花生醬加芝士加炒蛋。花生醬撞芝士的結果，都會係花生醬味突出過芝士味，芝士成為咗口感。好正常。至於加麻糬，完全係神來之筆。因為我睇餐牌，以為每款多士都可以加麻糬，其實佢哋原意只係芋見多士可以加。所以點餐嗰陣，staff們面面相覷：「其實個加麻糬只係for芋見多士」「但係花芝蛋多士都做到㗎喎」「我諗會係鹹鹹甜甜的味道，如果鍾意台灣嘢應該好味」「試咗之後畀感想我？」試！試咗之後，wow，平白多咗重煙韌口感，味道無違和，呢個隱藏餐單無後悔。凍橙啡：鮮橙汁+咖啡，抱住可能伏的心態去嘗試，點知竟然幾和諧。可以一試。以一枱食物結尾。