影片
更多
2017-01-12
918 瀏覽
今日係open rice搵餐廳食飯隨便揀咗呢一間sunprime cafe見到得咁少食評 啲圖又有啲假(靚到好似打手咁)仲個個都係好評 咁就試吓咩料點知真係好好味 啲擺盤真係好靚同人地影啲相出來一模一樣真心覺得呢間餐廳好用心前菜點着蟹餅同埋煙三文魚多士個蟹餅略嫌油 感覺上有啲似翻煎加熱左咁不過真心講句好少餐廳有蟹餅食而煙三文魚多士係脆口 好味嘅咁我睇咗人哋啲食評+$15 試咗個洋蔥湯 同埋主菜點咗菠菜鵝肝意粉不過我就覺得個洋蔥湯咸左少少另外一個就係是日餐湯問咗個waitress 但我唔記得咗係西蘭花忌廉湯定係菠菜忌廉湯🙈忌廉味好濃 我好鍾意飲 所以結論係唔加錢飲個是日餐湯已經夠了主菜方面 菠菜鵝肝意粉都OK嘅不過有種好特別嘅味道我講唔出嚟我男朋友就唔太鍾意另外一個主菜就點咗紐西蘭肉眼 三成(其實我覺得唔太似三成)同我想像中有少少出入原來佢已經切好咗一片片上碟擺盤好似藝術品一樣咁靚每一個細節都一絲不苟個汁好特別 食到佢一粒粒嘅texture食到呢度已經好飽啦嘢飲方面加左錢 點咗自家製嘅朱古力同埋榛子咖啡個朱古力係超級超級濃濃到係帶有少少苦味果種所以唔鍾意黑朱古力嘅人 就唔好點喇榛子咖啡估
隨便揀咗呢一間sunprime cafe
見到得咁少食評 啲圖又有啲假(靚到好似打手咁)
仲個個都係好評 咁就試吓咩料
點知真係好好味 啲擺盤真係好靚
同人地影啲相出來一模一樣
真心覺得呢間餐廳好用心
前菜點着蟹餅同埋煙三文魚多士
個蟹餅略嫌油 感覺上有啲似翻煎加熱左咁
不過真心講句好少餐廳有蟹餅食
而煙三文魚多士係脆口 好味嘅
咁我睇咗人哋啲食評
+$15 試咗個洋蔥湯 同埋主菜點咗菠菜鵝肝意粉
不過我就覺得個洋蔥湯咸左少少
另外一個就係是日餐湯
問咗個waitress 但我唔記得咗係西蘭花忌廉湯定係菠菜忌廉湯🙈
忌廉味好濃 我好鍾意飲 所以結論係唔加錢飲個是日餐湯已經夠了
主菜方面 菠菜鵝肝意粉都OK嘅
不過有種好特別嘅味道我講唔出嚟
我男朋友就唔太鍾意
另外一個主菜就點咗紐西蘭肉眼 三成(其實我覺得唔太似三成)
同我想像中有少少出入
原來佢已經切好咗一片片上碟
擺盤好似藝術品一樣咁靚
每一個細節都一絲不苟
個汁好特別 食到佢一粒粒嘅texture
食到呢度已經好飽啦
嘢飲方面加左錢 點咗自家製嘅朱古力
同埋榛子咖啡
個朱古力係超級超級濃
濃到係帶有少少苦味果種
所以唔鍾意黑朱古力嘅人 就唔好點喇
榛子咖啡估唔到會有拉花 都係一種驚喜
甜品 冇加到錢 食咗瑞士卷
瑞士卷普通 同埋放耐左 有少少乾
不過擺盤依然好認真 所以成餐飯都加咗唔少分
絕對會encore!
值得多啲人嚟食同埋多啲人寫食評
因為我6點幾開始食飯 食到7點幾先有另一台客 成餐飯好似包場咁
一方面又好享受咁寧靜嘅環境食飯
但一方面又想多啲人欣賞呢啲咁用心嘅食肆
所以下次都會係閒日再去食😂
張貼
