影片
更多
2018-07-23
142 瀏覽
有日同個同事約左個客喺大角咀，特登預早左到打算食d野先。行到埃華街無意中見到間試業中既西餐廳。見環境幾舒適，咪入去hea下囉。反正大把時間。點左兩個餐，叫創作料理set既，一個拼盆，再任選一款主菜，我就唔係太肚餓，點左個三文魚他他，$98睇落細細份，的的骰骰咁，岩哂我。朋友就叫左個和牛粒飯$158 ， 嘩，心諗，食少少野姐，唔洗咁大壇野下話。然後仲話要叫多個一口芝士，咁我芝士控黎架嘛，實話好架。一黎拼盆到先，望落幾大份下，而且擺得好精緻，當然係相機食先啦。食落原來唔只睇得，仲好足料添。個蟹肉玉子上面係真係蟹肉，唔係蟹柳黎架個自家制香草包，外脆內軟，上面除左係龍蝦沙律，仲有明太子混埋入去。勁。加埋舊紫薯餅，泡沫芝士杯，同沙律杯，已經有少許飽。然後到個一口芝士，好采得5粒，如果唔係主菜唔知點算。跟住到我個三文魚他他，不得了，好可愛呀又係吸睛之選，味道複雜，唔知點形容，但係好好食既，其實賣相靚對我黎講味道已經攞左50分架喇朋友個和牛粒飯，我就無食，不過見佢不停要求服務員加汁，仲想話問有無得加埋飯咁，就知好食到停唔到等我下次試下先，今日唔係狀態，本身好飽係咁易食一食三百零蚊，又開心，又滿足，我
點左兩個餐，叫創作料理set既，一個拼盆，再任選一款主菜，我就唔係太肚餓，點左個三文魚他他，$98睇落細細份，的的骰骰咁，岩哂我。
朋友就叫左個和牛粒飯$158 ， 嘩，心諗，食少少野姐，唔洗咁大壇野下話。然後仲話要叫多個一口芝士，咁我芝士控黎架嘛，實話好架。
一黎拼盆到先，望落幾大份下，而且擺得好精緻，當然係相機食先啦。
食落原來唔只睇得，仲好足料添。
個蟹肉玉子上面係真係蟹肉，唔係蟹柳黎架
個自家制香草包，外脆內軟，上面除左係龍蝦沙律，仲有明太子混埋入去。勁。
加埋舊紫薯餅，泡沫芝士杯，同沙律杯，已經有少許飽。
然後到個一口芝士，好采得5粒，如果唔係主菜唔知點算。
跟住到我個三文魚他他，不得了，好可愛呀
又係吸睛之選，味道複雜，唔知點形容，但係好好食既，其實賣相靚對我黎講味道已經攞左50分架喇
朋友個和牛粒飯，我就無食，不過見佢不停要求服務員加汁，仲想話問有無得加埋飯咁，就知好食到停唔到
等我下次試下先，今日唔係狀態，本身好飽
係咁易食一食三百零蚊，又開心，又滿足，我個人覺得值既，有機會經開呢頭一定會再 encore.
一口芝士
8 瀏覽
0 讚好
0 留言
溫泉蛋牛油果煙三文魚他他
$98
14 瀏覽
0 讚好
0 留言
月見汁燒和牛粒飯
$158
7 瀏覽
0 讚好
0 留言
創作料理拼盆
1 瀏覽
0 讚好
0 留言
張貼
