越式阿肥美食

營業中

休息中

阿肥雖然地方淺窄，d伙計呀姐d服務可以話全港數一數二差，但一樣客似雲來，所以其實d野好食抵食，香港人真係無咩要求。話說今日經過，買外賣小食返屋企，當然係選擇牛油雞翼啦！牛油雞翼同香茅雞翼係兩樣野黎架，牛油雞翼遠遠就聞到好香嘅牛油味，每一隻雞翼大概有大半隻手掌咁大隻，雙面鋪滿一啲炒咗嘅蒜蓉同埋洋蔥，個炸漿香到好似用牛油去溝咁樣，一上碟嗰陣熱辣辣，咬落去一啲都唔乾，相當juicy，最利害係啲牛油味咬到入去雞肉入面都仲聞到，好食到連其他嗰啲洋蔥啊算啦都要食埋。但係要注意，牛油雞翼係要等夠一定數量夠多碟先一齊做嘅，千祈唔好吹佢哋。除咗牛油雞翼，其實佢哋嘅凍檬同埋咖喱都好好食，下次上到嚟慈雲山不妨試吓。