天外天

今日放假帶阿媽去天外天飲茶。😋去前一定要預先book位，餐廳成日都好full。望住呢個靚景，同阿媽一齊影相📸️打卡，都幾開心。食物放面都好有質素。茶葉有多種選擇。特別D的有碧螺春、白牡丹、花香龍珠及白毫銀針等。茶錢每位$35。我建議每位都可以叫一款茶葉，試吓唔同味道都好。😋我自己比較鐘意人參烏龍茶，味道甘甘地。陳醋蛋白蟹肉餃出面比較少機會食到嘅餃子款式。陳醋搭蛋白再搭蟹肉係perfect match, 有少少似賽螃蟹。餃子皮好薄，有驚喜！金箔松露龍蝦餃感覺好矜貴的餃子。龍蝦肉鮮味彈牙，食落有啖啖松露味。蜜味叉燒包熱辣辣外面酥脆，內裏叉燒肥瘦剛剛好。脆皮海皇腸粉腸粉滑溜，內裏包住炸蝦網卷，外軟內脆。侍應提我地食嘅時候先落豉油，保持炸蝦網脆度，細心。今餐我同媽咪都食得好開心。