六公館

營業中

休息中

係尖沙咀嘅一個新地方，呢一個地方正正就係喺郵輪碼頭果一邊，所以成間餐廳都係可以望到海景嘅景色，非常之漂亮。如果咁啱有郵輪經過嘅話，仲可以感受到佢嗰龐大迫切嘅感覺。呢度嘅菜式感覺就係以中式為主，但係有少少中西合璧嘅感覺，而且佢用嘅料係比較上盛，好似你一個中式牛柳咁樣，佢雖然係一個好普通嘅中式小菜，但係佢用上澳洲嘅香牛去煮，立即感覺都唔同晒，味道層次亦都提升好多。呢一個餐前小食我唔記得咗係乜嘢名，哈，但係佢係用咗好香嘅麻籽，香油去煮呢一個竹笙，凍食。又健康又開胃。七味炸豆腐，好滑嘅豆腐，外面炸到有一層脆皮在外面，灑上椒鹽同埋七味粉，略有鹹香，外脆內嫩。我最鍾意就係呢一個海膽黑松露意大利飯，意大利飯嘅口感做得非常之好，佢嘅忌廉玉道亦都非常之足夠。而且仲有淡淡的黑松露香味，最矚目嘅就係佢上面仲有一片大大嘅加拿大海膽，非常之好味。