影片
更多
2023-11-29
255 瀏覽
天氣凍先嚟食雪糕先夠爽😎中環街市進駐好多特色小店，最近開咗間意式gelato專門店🍨霓虹燈同玩味slogan好搶眼。手工製gelato標榜無人工色素、無防腐劑、無香精，食得安心啲🫶🏼每日供應唔同口味，大部分都係平時少見、比較特別甚至加入🇭🇰香港本土元素嘅口味，好似黑白配（豆腐芝麻）、腐竹糖水、鴛鴦等。呢度有唔同套票售賣，可以兌換雙球雪糕或大杯裝奶昔，送禮回禮都似乎可以諗諗😆香芒椰子脆脆、藍地球雙球Gelato🥭芒果嘅酸甜味同🥥椰子香味互相平衡，有啲脆脆增添咬口。另一款味道揀咗打卡好啱嘅藍地球🌎藍色係蝶豆花海鹽味，混入自家製抹茶蛋糕。雪糕食食吓會食到少少海鹽，同奶味雪糕好夾。蛋糕碎帶淡淡抹茶味🍵但份量多啲就會更好。白咖啡奶昔睇住店員即席拎盒gelato去打奶昔，好大杯👍🏻白咖啡味道香濃，甜度適中😙😙榛子可可奶昔呢杯係special口味之一，可可味比較濃郁，雖然用上nutella但飲落亦唔會太甜膩😛😛人均消費：$70推介指數（10分為滿分）：7.5分
香芒椰子脆脆、藍地球雙球Gelato
🥭芒果嘅酸甜味同🥥椰子香味互相平衡，有啲脆脆增添咬口。另一款味道揀咗打卡好啱嘅藍地球🌎藍色係蝶豆花海鹽味，混入自家製抹茶蛋糕。雪糕食食吓會食到少少海鹽，同奶味雪糕好夾。蛋糕碎帶淡淡抹茶味🍵但份量多啲就會更好。
白咖啡奶昔
睇住店員即席拎盒gelato去打奶昔，好大杯👍🏻白咖啡味道香濃，甜度適中😙😙
榛子可可奶昔
呢杯係special口味之一，可可味比較濃郁，雖然用上nutella但飲落亦唔會太甜膩😛😛
人均消費：$70
推介指數（10分為滿分）：7.5分
張貼
