串到爆

營業中

休息中

有幾鍾意食串燒？懶得北上食，係香港都唔少串燒店！但要食到啱食好食嘅都難！最近竟然係我屋企附近，由湖北人主理嘅一間串燒店開咗間！呢間店我最欣賞佢個名「串到爆」，但老闆娘超好人，去到仲好細心講解佢哋有啲咩特色，有啲咩係必點串串！而且仲有個小爐仔，燒完串串出黎放係小爐仔上面就唔擔心啲串串涼咗啦！🐏招牌紅柳羊肉串🐏好有地方特色，羊味濃但唔羶，當然都唔會難咬，口感不錯！🐮肥牛串🐮唔會偏肥，脂肪比例平均，都重牛味！🐤烤雞皮🐤好香脆呀，好怕啲雞皮燒得唔脆，入面仲有脂肪，呢間好脆卜卜，好正呀！🐔烤雞胗🐔雞胗係每次串燒必點，之前食過幾間都麻麻！今次呢間好合口味，仲係剛剛好熟，唔會難哎仲好彈牙添！🐥烤雞軟骨🐥估唔到喎，竟然係咁脆口，配埋孜然粉啲味好香！🦪蒜蓉生蠔🦪超肥美、烤生蠔點可以唔係蒜蓉🧄完美絕配！🐷功夫豬大腸🐷好乾淨！真係同個名一樣，落足功夫，而且無豬腸嘅怪味同去埋脂肪！🥬串烤韮菜🥬呢個之前香港間間都整得唔夠好味！呢間就好附合正宗燒烤嘅烤韮菜！🌽玉米小串🌽好啱我呢啲唔想成條粟米🌽咬嘅人，好有心機一粒粒串起！鴨屎香檸檬茶食串燒咁熱氣，飲返杯鳳凰單叢鴨屎香檸檬茶就啱曬啦，而且仲要係手打檸檬🍋夠曬新鮮！📌