影片
更多
2012-09-16
1176 瀏覽
自從加入咗老婆教會嘅一個弟兄小組，同依班弟兄一時晌教會聚會，一時就出去食飯，所以就多咗出嚟一齊飯局，差唔多個個月都有。不過，我哋志在搵個聚腳點，彼此交流傾偈，食乜嘢反而真喺好次要，好似今餐咁，只喺嚟到豐盛依間可謂街坊酒樓打鞭爐，烚吓烚吓起勢滾。晚市好多客都喺嚟打鞭爐，勝在夠抵，星期一至日同價，成人$78，小童$68（9:00pm後平多$10），但就收番$12茶芥、$20醬料費同加一，所以埋單每位$120。任飲任食2.5鐘，比一般只喺食兩個鐘頭更加夠喇。$12茶芥就擺明巧立名目，因為多款任飲飲品，有幾多個會飲茶丫？另外佢本身又收$20醬料費，所以個「芥」又喺搵老襯，不過，依$12我就當任飲費，飲得兩罐汽水都賺番啦。哈哈！之不過講開任飲，又算幾好喎，完全自取，唔使剔紙咁麻煩，出面擺晒幾大桶汽水、啤酒任拎，仲有竹蔗水、酸梅湯、橙汁任斟。打鞭爐咁燥熱，小弟就邊食邊飲，一般都3、4罐汽水加酸梅湯先夠皮。收得$20醬料費，佢都俾番咁上下嘢你。飲品旁就喺自助醬料枱，有蔥花、紅椒絲、青椒絲、香茜、生蒜蓉、炸蒜粒（熟蒜）、XO醬、麻醬、白芹粒、指天椒粉、豉油、辣椒豉油多種，俾係點混醬得！未講火鍋料前，仲
晚市好多客都喺嚟打鞭爐，勝在夠抵，星期一至日同價，成人$78，小童$68（9:00pm後平多$10），但就收番$12茶芥、$20醬料費同加一，所以埋單每位$120。任飲任食2.5鐘，比一般只喺食兩個鐘頭更加夠喇。
$12茶芥就擺明巧立名目，因為多款任飲飲品，有幾多個會飲茶丫？另外佢本身又收$20醬料費，所以個「芥」又喺搵老襯，不過，依$12我就當任飲費，飲得兩罐汽水都賺番啦。哈哈！之不過講開任飲，又算幾好喎，完全自取，唔使剔紙咁麻煩，出面擺晒幾大桶汽水、啤酒任拎，仲有竹蔗水、酸梅湯、橙汁任斟。打鞭爐咁燥熱，小弟就邊食邊飲，一般都3、4罐汽水加酸梅湯先夠皮。
收得$20醬料費，佢都俾番咁上下嘢你。飲品旁就喺自助醬料枱，有蔥花、紅椒絲、青椒絲、香茜、生蒜蓉、炸蒜粒（熟蒜）、XO醬、麻醬、白芹粒、指天椒粉、豉油、辣椒豉油多種，俾係點混醬得！
未講火鍋料前，仲有一樣嘢喺自助嘅，自助餐有沙律吧，佢就有個蔬菜吧，一大張圓枱，放滿成廿多款蔬菜、瓜果、菇菌……，拎個小筲箕，就可以埋嚟睇埋嚟揀。依個安排真喺幾好，佢又唔使嘥人手拎嚟拎去，食客又可以按自己喜好要邊款、拎多少，最緊要好似店家話齋：「食物寶貴，切勿浪費。」故此，佢哋都好似其他任食嘅店舖咁，清楚寫明剩餘食物，無論生熟，每兩$5，不過為免得失啲客，都喺得個講字，好少執行嘅，咁依家啲食客普遍都好守規矩，唔會太過份。
湯底分為免費同特選，免費嘅有4款，如粟米豬骨湯、潮式豬肚湯……；而特選就要加錢，由$28-$48，共5款，如有藥膳醉雞湯、馬來沙嗲湯……。我哋無要求，覺得要啲免費嘅湯底都夠喇，就點咗最大路嘅粟米豬骨湯同香茜皮蛋湯。
一開始就講話喺弟兄聚會，一枱都喺男士，加上大部份睇身形都喺戰鬥格，所以首輪點料毫無顧慮呀，一於去盡啲都唔怕。撇除番出面蔬菜吧有嘅嘢，火鍋紙上有成50、60款火鍋料，一口氣點咗好多嘢，乜丸物丸、肥牛雞件、鮮蝦吊桶、魚雲魚滑、鯇魚片炸魚皮……，全部一小碟為一小份，幾盆火鍋料輪住送上嚟，都無對嚟多定嚟少，反正唔夠下一輪再落。新鮮食材如鮮蝦、吊桶、鯇魚……用料不俗，三寶丸（自家手打豬肉丸、牛肉丸、鯪魚球）、魚滑打得唔錯，反而凍肉嘅丸類同肥牛一般，不過整體而言，所食嘅十幾廿款配料裡面，算喺穩打穩紮，無乜太大出錯。再者，一大班人飲住食住高高興興咁傾偈，都好盡慶啦！
講真，自家搞次打鞭爐都幾煩，事前洗洗切切，事後收收拾拾，真喺做餐懞架。依家俾低百零蚊，輕鬆嚟輕鬆走，仲要食到飽飽，飲到漲漲，絕對抵架！
張貼
