影片
更多
2013-05-13
528 瀏覽
今日, 同幾粒同事仔落葵芳食 lunch~目的係補慶 2 粒同事既生日....我地有 2 個 option: 一係就 "牛角", 一係就 "和民"結果去到 2 邊都係要等位, 所以我地 2 邊一齊等....終於, "和民" 跑出!!!好開心咁入左去, 坐低之後, 就開始揀野食~我地一共 5 粒人, 每人揀左 1 個餐之後, 仲叫左 3 個小食, 之後再追加左 1 個沙律!!- 牛肉火鍋定食- 吉列豬扒定食- 和風牛小排飯- 鮭魚刺身飯- 刺身盛岡冷麵- 豚肉燒- 炸墨魚粒- 煎餃子- 薯仔蛋沙律 (之後追加)幫我地落單既果位姐姐都有重覆一次我地 order 既野~確定無錯之後, 就邊吹水邊等野食....等........ 都等左好一陣子先有少少野上枱:刺身盛岡冷麵 最先上枱, 大大粒既冰粒響麵既上面, 一定夠冷, 不過亦會溶左做水, 拎湯底變淡~- 食味: 拌左附上既醋, 微微既酸味, 還可以, 不過的確冰粒既水份令味道太淡, 麵質一般, 唔算彈牙, 不過都叫做有咬口, 刺身有 2 隻甜蝦、北寄貝同墨魚各 1、仲有D切到碎粒粒既三文魚粒粒, 都算係新鮮...吉列豬扒定食 第 2 位上枱
目的係補慶 2 粒同事既生日....
我地有 2 個 option: 一係就 "牛角", 一係就 "和民"
結果去到 2 邊都係要等位, 所以我地 2 邊一齊等....
終於, "和民" 跑出!!!
好開心咁入左去, 坐低之後, 就開始揀野食~
我地一共 5 粒人, 每人揀左 1 個餐之後, 仲叫左 3 個小食, 之後再追加左 1 個沙律!!
- 牛肉火鍋定食
- 吉列豬扒定食
- 和風牛小排飯
- 鮭魚刺身飯
- 刺身盛岡冷麵
- 豚肉燒
- 炸墨魚粒
- 煎餃子
- 薯仔蛋沙律 (之後追加)
幫我地落單既果位姐姐都有重覆一次我地 order 既野~
確定無錯之後, 就邊吹水邊等野食....
等........ 都等左好一陣子先有少少野上枱:
刺身盛岡冷麵 最先上枱, 大大粒既冰粒響麵既上面, 一定夠冷, 不過亦會溶左做水, 拎湯底變淡~- 食味: 拌左附上既醋, 微微既酸味, 還可以, 不過的確冰粒既水份令味道太淡, 麵質一般, 唔算彈牙, 不過都叫做有咬口, 刺身有 2
隻甜蝦、北寄貝同墨魚各 1、仲有D切到碎粒粒既三文魚粒粒, 都算係新鮮...
吉列豬扒定食 第 2 位上枱, 豬扒外貌炸得唔錯, 係芝麻醬偏少 (不過可以叫佢加)~- 食味: 炸粉唔太厚, 豬扒肉質唔錯, 仲有肉汁, 配上白飯, 好味...
和風牛小排飯 第 3 位上枱, 賣相唔錯, 上枱既時候仲係超級熱呼呼的, 牛小排係生既, 自己整熟無難度~- 食味: 呢個應該係最好味, 夠熱, 有飯焦, 牛小排肉質軟淋, 好好味....
上左呢 3 樣之後, 時間就..............停頓左!!!!!!
一直等........ 又等左好一陣子, 再追侍應跟單.......
枱面上既 3 個午餐已經消化左, 先再有野上枱:
牛肉火鍋定食 第 4 位上枱, 不過竟然唔係拎埋個爐比客人, 然後又要再等等等左一陣子, 先拎到個爐黎~- 食味: 牛肉明顯唔新鮮, 瘀瘀的灰灰的, 其實配料一般, 豆腐好滑...
鮭魚刺身飯 第 5 位上枱, 賣相還可以, 完全唔明點解一樣唔使煮既野, 都要等咁耐~- 食味: 呢個係正常, 三文魚薄薄的, 飯粒有咬口, 微酸, 有壽司既味道, 唔錯....
薯仔蛋沙律 第 6 位上枱, 呢個算係 order 完之後最快上枱既一個, 因為呢個係.....後加單的~- 食味: 呢個附上木棒一條, 要自己玩既, 盅爛所有材料就食得, 出奇地個味好夾, 唔錯....可惜分量太少....
之後, 我地開始覺得有更多既.......伏!!!!!
因為都坐左成 9 個字左右, 但係.....
- 小食 1 樣都無黎過
- 野飲都係 1 杯都無黎過
how come...............???????????????????????
望下隻錶, 差唔多夠鐘要返公司啦喎!!
於是, 又捉左個侍應跟單, 而莫名其妙既事亦都出現....................
1 - 坐左足足差唔多成粒鐘, 午餐既野食到食埋, 飲品就一杯都無出現過, 而.....響呢個再三追單既時間, 先至忽然有個人黎同我地講: 其中一杯飲品無貨!!!!?
2 - 竟然再三追單之後, 先又有人黎同我地講: 果 3 個小食好似無落到單喎, 可能溜左!!!!?
到底咩事呢??? 明明幫我地落單果位小姐有覆過單, 當時亦都準確無誤, 咁到底點解落D 唔落D 呢又!!?
人手唔夠!? 係, 人手好明顯唔夠, 但係最多都係出野慢o者, 而且你都真係好慢架啦.....
慢都唔在講, 一間餐廳應有既質數點都要有既, 竟然可以溜單!!? 仲要係溜同一張單落既野, 真係點諗唔到理由喎~
然後....飲品一追完, 唔夠 1 分鐘就黎左, 明確又係完全溜晒又係無人知......仲要....好攪笑地, 黎左 4 杯, 仍然係溜左一杯.........HOW COME 呢!!!!?
最無言就係, 個侍應 (唔係落單果個) 問我地: 你地叫左邊個小食, 我而家幫你追廚房整返!
我地都......真係無言左...................
一黎, 單, 唔係你落既, 嘈你都無意思~
二黎, 大哥, 我地要返工架, 我真係無心情同你響度浪費時間囉~
結果, 埋單!!!! 而呢餐飯就.............................不歡而散!!!
而我地都講明, 唔會再黎呢間野.... Blacklist!!!!!!
題外話/補充資料：
不得一提, 每個侍應既態度係好好的, 只係....唔明點解可以同一張單一D有一D溜!!!
(以上食評乃用戶個人意見 , 並不代表OpenRice之觀點。)
張貼
