咪走雞餐廳小廚

營業中

休息中

咪走雞係大埔插旗多年，今晚先第一次黎幫襯，舖名雖然怪雞，但勝在夠突出。街坊生意，出品、環境、服務都幾好，一間不錯既廣東小炒。青紅蘿蔔湯，是晚例湯，又幾好飲喎 ﹗用銻盅裝住再放入膠碗內，能保持溫度較長時間，滾熱辣，非常濃郁，拍得住燉湯，夠火喉，正！咪走雞，半隻多謝 HKD70 蚊正。依度既招牌菜，用瓦砵上菜，熱騰騰出晒煙，炸炸聲起晒泡，見到勁開心，嘩哈哈 ﹗賣相似菜膽雞，即刻整舊髀試試，味道似咸雞又似沙薑雞，肉嫩而彈彈的，肥瘦適中，滿意，不錯。個雞撈飯都十分惹味！麻婆豆腐，撈飯名物！最初想食另一撈飯絕配魚香茄子煲架，但居然賣晒茄子囉，依排出街食飯經常叫咩無咩，真邪門 ﹗ 大部份包仔豆腐都夠滑，味道香濃，肉味、咸味、辣味夠 balance，如果可以再熱啲就更好。我個人鍾意細細粒滑豆腐囉，可以完全跟白飯溶為一體。