影片
更多
2021-03-12
179 瀏覽
作為一個拉麵控，無時無刻其實都想食拉麵，今日係尖沙咀厚福街搵到呢一間拉麵，見到好多選擇，就決定入去試一試。其實正式啲來講，呢一間唔係拉麵店，係沾麵店。佢嘅沾麵選擇繁多，有龍蝦湯沾面、海膽沾麵、魚介湯沾面，都幾多㗎。但係我呢就鍾情於拉麵，所以呢就冇叫到沾面。拉麵嘅選擇得兩款一款係豬骨濃湯叉燒拉麵，另外一款係有蝦嘅湯底，因為我唔食蝦，所以叫咗豬骨拉麵。餐廳都幾得意，會放低一個漏斗，上面寫着如果20分鐘內嘢食唔到就會有九折㗎啦！另外佢同其他拉麵店一樣都有得叫替玉啊、追加唔同嘢食咁樣。最特別嘅係佢湯底可以無限免費追加，係其他拉麵店無架！拉麵好彈牙，幾有韌性，吸左湯都唔會覺得好淋。叉燒呢就肥瘦適中，唔好油淋淋，又唔會好柴皮，恰到好處。湯底係典型的奶白色，聞落有豬骨的香味，試左一啖，都幾唔錯，唔好過鹹，又夠味。半熟溏心蛋呢好正，流心，夠甜，而且有淡淡的酒香，好欣賞！
其實正式啲來講，呢一間唔係拉麵店，係沾麵店。佢嘅沾麵選擇繁多，有龍蝦湯沾面、海膽沾麵、魚介湯沾面，都幾多㗎。但係我呢就鍾情於拉麵，所以呢就冇叫到沾面。
拉麵嘅選擇得兩款一款係豬骨濃湯叉燒拉麵，另外一款係有蝦嘅湯底，因為我唔食蝦，所以叫咗豬骨拉麵。
餐廳都幾得意，會放低一個漏斗，上面寫着如果20分鐘內嘢食唔到就會有九折㗎啦！另外佢同其他拉麵店一樣都有得叫替玉啊、追加唔同嘢食咁樣。最特別嘅係佢湯底可以無限免費追加，係其他拉麵店無架！
拉麵好彈牙，幾有韌性，吸左湯都唔會覺得好淋。叉燒呢就肥瘦適中，唔好油淋淋，又唔會好柴皮，恰到好處。湯底係典型的奶白色，聞落有豬骨的香味，試左一啖，都幾唔錯，唔好過鹹，又夠味。
半熟溏心蛋呢好正，流心，夠甜，而且有淡淡的酒香，好欣賞！
張貼
