影片
更多
2017-05-20
219 瀏覽
呢個月老公生日, 當然要食好D, 要我地既鍾意既日本野, 上次睇見朋友食左呢間狂打卡, 攪到我地流哂口水, 決定儲錢豪一豪好驚去到無得食, 都係訂定枱穩陣入到去, 有左邊有正常座位, 右邊有吧枱, 侍應安排左我地坐吧枱可以睇到師傅準備食物, 感覺好得意好新鮮, 不過吧枱氣氛嚴肅D, 我地講野都唔敢太大聲因為想食當日最新鮮食材，所以叫左2個中間價既set, 交俾廚師發板, 侍應會細心問下我地有咩唔食侍應首先上左枝豆做為小食俾我地, 同埋主動斟茶枝豆差唔多食曬之後就上前菜, 時間岩岩好前菜有三小碟左邊係煙鴨胸, 加左啲黑松露令肉味更濃郁中間係水雲, 係類似髮菜嘅海藻, 好少係香港嘅日式餐廳食到, 水雲好幼細, 酸酸地, 好開胃右邊係汁煮鮑魚, 好入味但味道唔會太濃, 口感彈牙前菜食完就上沙律 : 冰菜蕃茄, 冰菜表面好似有好多水珠, 開頭以為真係雪到冰左既菜, 原來果d 唔係水珠, 口感完全唔似食緊菜, 非常爽口多汁雖然冰菜好搶鏡, 但其實蕃茄都好鮮甜食埋沙津終於到戲肉, 面前嘅師傅開始為我地準備食物, 師傅首先送上漬物, 係蕎頭同牛蒡)坐係吧枱既好處, 除左可以目睹師傅既手藝, 仲可以估
好驚去到無得食, 都係訂定枱穩陣
入到去, 有左邊有正常座位, 右邊有吧枱, 侍應安排左我地坐吧枱
可以睇到師傅準備食物, 感覺好得意好新鮮, 不過吧枱氣氛嚴肅D, 我地講野都唔敢太大聲
因為想食當日最新鮮食材，所以叫左2個中間價既set, 交俾廚師發板, 侍應會細心問下我地有咩唔食
侍應首先上左枝豆做為小食俾我地, 同埋主動斟茶
枝豆差唔多食曬之後就上前菜, 時間岩岩好
前菜有三小碟左邊係煙鴨胸, 加左啲黑松露令肉味更濃郁
黑松露鴨胸
7 瀏覽
0 讚好
0 留言
中間係水雲, 係類似髮菜嘅海藻, 好少係香港嘅日式餐廳食到, 水雲好幼細, 酸酸地, 好開胃
水雲髮菜
20 瀏覽
0 讚好
0 留言
右邊係汁煮鮑魚, 好入味但味道唔會太濃, 口感彈牙
鮑魚
6 瀏覽
0 讚好
0 留言
前菜食完就上沙律 : 冰菜蕃茄, 冰菜表面好似有好多水珠, 開頭以為真係雪到冰左既菜, 原來果d 唔係水珠, 口感完全唔似食緊菜, 非常爽口多汁
雖然冰菜好搶鏡, 但其實蕃茄都好鮮甜
冰菜蕃茄沙律
6 瀏覽
0 讚好
0 留言
食埋沙津終於到戲肉, 面前嘅師傅開始為我地準備食物, 師傅首先送上漬物, 係蕎頭同牛蒡)
坐係吧枱既好處, 除左可以目睹師傅既手藝, 仲可以估下邊位師傅準備緊邊款食物俾你, 好有趣
刺身係逐件上, 唔係所有一齊上, 令每款食物完成後可以盡快放入口, 減少同空氣接觸
刺身次序由淡到濃, 包括:
真子鲽: 只有初夏先有得食, 質地有咬口, 味道帶少少海水味, 另外仲有一小件真子鲽裙邊
真子鲽
21 瀏覽
0 讚好
0 留言
之後鱆紅魚: 厚切, 口感爽口帶有小小油脂
間白魚
43 瀏覽
0 讚好
0 留言
金目鯛: 表面火炙過,加添一份油香, 口感鮮甜爽脆, 因為表面放左蘿蔔蓉, 中和番油膩
金目鯛
13 瀏覽
0 讚好
0 留言
象拔蚌: 一睇就知新觧, 師傅加上現磨柚子皮, 配搭好特別
象拔蚌
7 瀏覽
0 讚好
0 留言
拖羅: 最精彩嘅刺身果然留到最後, 拖羅色澤粉嫩, 佈滿油花, 入口即溶, 一試難忘
拖羅
7 瀏覽
0 讚好
0 留言
拖羅
7 瀏覽
0 讚好
0 留言
刺身轉眼已經食完, 真係意猶未盡, 估唔到下一道菜同樣精彩
係法國生蠔, 並唔係加檸檬汁或者雞尾酒汁而係日式做法
生蠔size唔細, 師傅好細心先將佢切半, 日式醬汁酸酸地, 鮮味再提升一個層次
生蠔
8 瀏覽
0 讚好
0 留言
下一道係吸物 : 大蜆清湯, 蜆大隻又無沙, 個湯好清甜, 食左咁多野, 用黎清一清味蕾o岩曬
大蜆湯
10 瀏覽
0 讚好
0 留言
跟住係汁煮鯛魚, 鯛魚入曬味, 魚肉嫩滑唔鞋口, 而且無骨, 食得放心
汁煮鯛魚
7 瀏覽
0 讚好
0 留言
跟住侍應送天婦羅醬汁我地, 有加左蘿蔔蓉嘅天婦羅汁，鹽，咖喱粉同埋新鮮檸檬
唔使講都知下一道菜就係天婦羅
天婦羅係呢度嘅招牌菜之一, 師傅會係我地面前即整即炸, 逐件上
第一件係炸蝦: 炸粉超薄但又非常脆, 蝦肉鮮甜, 火喉控制得好好, 連蝦頭都炸埋, 酥脆可口
炸蝦
16 瀏覽
0 讚好
0 留言
之後係松葉蟹腳: 蟹肉味濃, 輕輕加少少鹽已經好好味
松葉蟹腳
6 瀏覽
0 讚好
0 留言
最後係紫菜海膽: 估唔到天婦羅可以有海膽既創意款式, 薄薄紫菜竟然包滿海膽, 炸油無滲入海膽裡面, 仍然保留鮮味
紫菜海膽
3 瀏覽
0 讚好
0 留言
食完之後發現墊紙幾乎無油痕, 師傅炸功真係好深厚
之後師傅又好細心講: 食完啦, 跟住仲有壽司... 完全唔知跟住會食咩壽司, 令人好期特
先上嘅係昆布漬鯖魚: 我地食過嘅鯖魚都有少少腥味, 但今次呢件冇, 而且鋪左昆布, 口感爽爽地幾特別
昆布漬鯖魚
22 瀏覽
0 讚好
0 留言
再黎係甜蝦壽司: 有三隻甜蝦, 估唔到又係連埋炸蝦頭
新鮮甜蝦壽司
18 瀏覽
0 讚好
0 留言
跟住係海膽飯: 海膽新鮮就唔使講, 鮮甜不腥, 偏濃味既品種, 加埋軟淋珍珠米, 米入面mix 左少少貝柱, 真係食到一粒米都冇留低
海膽飯
6 瀏覽
0 讚好
0 留言
最後係吞拿魚蓉手卷: 香脆嘅紫菜豐富嘅材料, 有吞拿魚蓉炸洋蔥同少少紫蘇葉
吞拿魚手卷
13 瀏覽
0 讚好
0 留言
特別一提嘅係配壽司嘅生薑都係師傅親手切黎俾我地, 好明顯係自己醃製, 唔係買返黎, 連咁細微既野都用心做好
食完壽司師傅問我地夠唔夠, 我地好爽快話夠, 但事後諗唔番如果話唔夠飽會唔會仲有野食呢
雖然已經食飽, 但最後嘅甜品一定要食埋, 甜品可以揀自家製南瓜蛋糕或者雪糕, 我地一樣要一個, 雪糕就要左柚子雪葩
侍應好快就送上一壺綠茶, 話係靜岡有機綠茶
連綠茶一樣都講求品質, 完全無苦澀味, 可以去除食飽後既油膩
靜岡有機綠茶
15 瀏覽
0 讚好
0 留言
南瓜蛋糕細細件, 質感幼滑, 好重南瓜味, 唔錯
柚子雪葩, 食到粒粒柚子, 口感清新
王林蘋果, 味道帶少少咸, 食落蘋果起沙, 又幾好味, 日本蜜瓜就當然鮮甜多汁
所以真係無論幾飽, 都要食埋甜品
南瓜蛋糕, 王林蘋果, 哈蜜瓜
28 瀏覽
0 讚好
0 留言
柚子雪葩, 王林蘋果, 哈蜜瓜
6 瀏覽
0 讚好
0 留言
食廚師發板, 好有冒險感覺, 你永遠唔會知下道菜會食乜, 好有驚喜
師傅所選都係時令食材, 品質相當高, 值回票價
雖然價錢就真係唔可以話平, 不過當慶祝下, 又食到高質素嘅日本料理, 絕對值得
下次要儲錢再黎食過~
張貼
