常滿百家菜

營業中

休息中

荃灣出名多好嘢食，朋友介紹呢間中菜館，主打無限時點心、小菜、燒味、甜品，款式多過50款，座位都算闊落，價錢超級親民化，難怪平日晚上都咁full，想去嘅記得要book位😂去得酒樓點少得食點心～ 呢度用紙仔落單，感覺好傳統🤣 最貼心嘅係可以一粒粒叫，唔怕浪費！叉燒包、流沙包、小籠包、蒸排骨、芋絲炸春捲、炸雲吞、蘿蔔絲酥餅、咸水角樣樣食曬，即叫即整，新鮮熱辣辣，需要等候一段時間！個人最喜歡蝦餃皇、蒸鳳爪、鮮蝦燒賣、同牛肉球，蝦餃有成四隻蝦咁多，爽口彈牙，但皮厚咗少少、鳳爪脹身，皮骨鬆開，食落腍滑鬆軟、燒賣口感紮實，十分多肉、牛肉球超級大粒，唔粉，具彈性，肉味香濃，唔洗淋喼汁都OK😛肉類、蔬菜同小食都有好多選擇，流沙蛋、花雕醉雞、蜜汁叉燒、紅燒豆腐、四季豆、炒牛肉、炒蝦仁、炒斑球，最推介黑醋骨同菠蘿咕嚕肉，好大碟，黑醋汁包住排骨，晶瑩亮眼，帶點半肥瘦、菠蘿咕酸甜開胃，外脆內嫩，有料☺️出面嘅自助區有熟食、炸物、甜點、飲品，唔知係咪日日唔同，但今次食到嘅豬扒同雞軟骨都係必食item，另外一定要留肚食糖水，特別推介番薯薑汁同紅豆沙，夠熱而且甜度適中，超正😎