影片
更多
2017-11-16
464 瀏覽
飲飽食醉真是人生一大享受！有咩好得過三五知己圍埋一齊吹水啤啤佢？所以Gathering當然首選放題同邊爐啦！ 不過一班人出得來食飯，兩粒鐘真是唔夠時間囉！醉翁亭呢度好fit 啫！無限時半自助任食，坐幾耐都得喎！一於晚餐食到宵夜再睇埋波啦！(≧∇≦) 原來呢度食法好得意，分“每人一份“同任食唔嬲，每人一份就包括是日剌身同海鮮，亦都有鮑魚或燕窩(隨機)，而極上手切牛頸脊就會因應人數而有不同的份量，明嘅，始終唔限時喎，收費又只需300蚊，個個都任食鮑魚真係聽執笠嘅！ 不過任食唔嬲都有好多選擇架！例如有大魚頭、魷魚、鱔片、脆鯇魚、大青口、粉腸、豬腰、豬肚、羊肉片、駝鳥肉、黑豚肉、豬頸肉、魚皮餃、小燕餃、魚腐、牛丸、魚滑、墨魚滑、鮮蝦滑、四寶丸、炸響鈴…………等等等等 嘩多到數唔曬囉！我决定放棄數落去(>﹏<)因為其實我食完“每人一份“之後已有好飽喇！任食唔嬲個part只係食左魚片兩塊咁大把咋！ 究竟食左啲乜咁飽？嗱，首先因為初秋嘛，又見到有我最愛的羊腩煲啦，咁唔係唔食下話？要知道平時出街食羊腩煲一個閒閒地兩舊水無走雞！呢度啲羊腩都燜得幾淋，同埋都好入味，我
不過一班人出得來食飯，兩粒鐘真是唔夠時間囉！醉翁亭呢度好fit 啫！無限時半自助任食，坐幾耐都得喎！一於晚餐食到宵夜再睇埋波啦！(≧∇≦)
原來呢度食法好得意，分“每人一份“同任食唔嬲，每人一份就包括是日剌身同海鮮，亦都有鮑魚或燕窩(隨機)，而極上手切牛頸脊就會因應人數而有不同的份量，明嘅，始終唔限時喎，收費又只需300蚊，個個都任食鮑魚真係聽執笠嘅！
不過任食唔嬲都有好多選擇架！例如有大魚頭、魷魚、鱔片、脆鯇魚、大青口、粉腸、豬腰、豬肚、羊肉片、駝鳥肉、黑豚肉、豬頸肉、魚皮餃、小燕餃、魚腐、牛丸、魚滑、墨魚滑、鮮蝦滑、四寶丸、炸響鈴…………等等等等
嘩多到數唔曬囉！我决定放棄數落去(>﹏<)因為其實我食完“每人一份“之後已有好飽喇！任食唔嬲個part只係食左魚片兩塊咁大把咋！
究竟食左啲乜咁飽？嗱，首先因為初秋嘛，又見到有我最愛的羊腩煲啦，咁唔係唔食下話？要知道平時出街食羊腩煲一個閒閒地兩舊水無走雞！呢度啲羊腩都燜得幾淋，同埋都好入味，我鍾意有皮連住肉嗰啲，肥就肥啲，不過食得都唔好諗呢啲喇！連皮連肉食羶味會偏重，不過我鍾意，而肉質又會滑啲，口感就自然更好啦！仲有勁多支竹喎冬筍架！堅正喎！
食完羊腩煲就放湯準備打邊爐，立刻有剌身食，呢度每人幾塊而且得幾種款，講真就點都唔及食放題有剌身船咁有排場咁吸引架喇！叫做不過不失ok la。
原來今日的貴價food 輪到雞蓉燴燕窩，一上枱已經俾滿滿的燕窩嚇了一跳！感覺上好像燕窩比湯羹還要比例多些呢！令人覺得有種好奢華的感覺！而且味道還不錯的！不過我想我還是比較喜歡甜吃的燕窩~
海鮮拼盤上有龍躉魚、魚片、鱔魚片、魷魚……當中最好食的要算爽甜的大蝦了！
大蝦新鮮度十足，上枱時彷彿還腳伸伸的，所以不用多說，味道自然鮮啦！肉質自然爽啦！
睇下幾咁厚切！塊塊都好有質感架！唔係薄如蟬翼食左好似食空氣咁，而係厚厚的一片！正喎！再睇下啲顏色幾咁粉嫩，鮮豔到好似啱啱死咁架！
點解咁講？因為食落質感同一向食開的好唔同，平時食到的牛頸脊通常好嫩好滑，唔知係厚切定個羊腩煲入面有冬筍的關係，個牛我食到索索聲架！非常有彈性到我簡直以為佢啱啱斷氣嗰隻！雖然同平時感覺唔同，不過都係好好食嘅！
食完已經超飽，原諒我已經無作戰能力再食埋任食項目(>﹏<)
張貼
