Top Blade Steak Lab (梭椏道)

營業中

休息中

朋友介紹黎食，又係牛扒，每人叫左一個主菜，加38蚊有一個湯同沙律，用餐時間一個鐘，入到去侍應會介紹個menu，而薯條可以任添，侍應都會不停問洗唔洗添，一添都係熱辣辣新鮮炸。今晚餐湯係南瓜忌廉湯，唔難飲，份量適中，飲落有少少南瓜蓉。朋友叫左客席主廚平鐵牛扒，係今日新加嘅item，介紹時話係慢煮，預設左5成熟，上菜時侍應會提點樣切會好食啲。而男友人就食香草平鐵牛扒，都係5成熟，係grill，所以會比較香，試左兩啖，少少鹽味而且唔硬，整體唔錯。我就叫左漢堡包，係手打牛肉，7成熟，牛肉味偏淡，芝士同洋蔥味好濃，不過包蓋烘得太燶，同牛扒比略為失色，而且成個包好高，自備手套食會方便啲。而薯條係有黑松露鹽，好幼，有淡淡松露香，唔點茄汁食都好好味，不過好快吹到凍哂，好在每次加都係熱辣辣。