影片
更多
2009-07-26
33 瀏覽
母親大人搬左去粉嶺住, 今日入去探佢, 佢就帶左我和祁生去上水石湖墟熟食街市食飯, 話呢到有個大特點喎, 就係朝早時間熟食街市入面大大話話有十幾廿間鋪, 但一到下午三點後, 就會變剩一間叫"強記"既, 專做晚市, 仲集合左其他幾間做晚市的一齊做添, 都有好多野食架, 有泰式, 潮州打令, 燒味, 小炒和西式; 一次過可以睇哂4間的菜單, 你可以一次過叫哂咁多間都得。翠塘豆腐 - 呢個好好味, 係個汁"結"左少少, 但豆腐粒好有黃豆香味, 底下的水蛋又勁香蛋味, 正~薑蔥魚雲煲 - 汁味道適中, 煲內有大量的蔥和薑, 唯一唔好係...魚雲係一早炸左, 表面已經唔脆, 再加入汁煮放入煲內, 魚雲立時好...un...! 蘿蔔牛腩煲 - 牛腩比較碎, 牛腩汁OK, 蘿蔔就大件事, 用水灼過放入煲內, 牛腩自己有牛腩味, 蘿蔔就完全無味, 仲有個煲係凍既, 擺到明係煮完放入煲內!!椒絲腐乳炒通菜 - 大排檔小炒預左連埋其他order一齊炒, 所以炒菜無特別意見啦~ 係無鑊氣囉~好似係香港好耐都無食過和咁大個場既大排檔, 幾廿張檯大家都係做同一樣野就食食食, 而且仲好多人幫襯添, 突然間有一刻覺
翠塘豆腐 - 呢個好好味, 係個汁"結"左少少, 但豆腐粒好有黃豆香味, 底下的水蛋又勁香蛋味, 正~
薑蔥魚雲煲 - 汁味道適中, 煲內有大量的蔥和薑, 唯一唔好係...魚雲係一早炸左, 表面已經唔脆, 再加入汁煮放入煲內, 魚雲立時好...un...!
蘿蔔牛腩煲 - 牛腩比較碎, 牛腩汁OK, 蘿蔔就大件事, 用水灼過放入煲內, 牛腩自己有牛腩味, 蘿蔔就完全無味, 仲有個煲係凍既, 擺到明係煮完放入煲內!!
椒絲腐乳炒通菜 - 大排檔小炒預左連埋其他order一齊炒, 所以炒菜無特別意見啦~ 係無鑊氣囉~
好似係香港好耐都無食過和咁大個場既大排檔, 幾廿張檯大家都係做同一樣野就食食食, 而且仲好多人幫襯添, 突然間有一刻覺得好...社會縮影。如果下次無飯開又想食飯又一班人上去強記都係唔錯既選擇, 4個菜2碗白飯1支藍妹1罐可樂, 埋單都係$222, 抵食~
張貼
