四季煲仔飯

營業中

休息中

去完圓方，因為圓方嗰邊都無咩餐廳選擇，所以係眾人討論下就選擇左行去油麻地食煲仔飯。嚟到嘅時間為星期日八點幾，條龍嘅人都一直有多無減，本身都諗緊轉唔轉軚食隔離嘅興記，但係比條龍吸引左嘅情況下都係繼續排，結果都等左成三十分鐘係排隊嘅時候已經落左單，但係到入到去有位坐都再等多左成十五分鍾先有飯菜上。四個人食各嗌左每人一個煲仔飯同一個大蠔餅Share，由於朋友嘅飯無影低，所以剩係分享我叫左嘅潤腸雞肉飯。我地係上左飯之後加左豉油再焗多佢一陣先食，希望會有飯蕉。雞肉同潤腸都唔錯，但食到底發現得極少飯蕉而朋友嘅飯係直頭小小都無tim...而個蠔餅我地都一致認同係好食嘅，加埋魚露更好味。不過等待時間太耐同無飯蕉完全減低左下次再去嘅可能性😞